ప్రయాణ ఆతురుతలో ఆర్టీసీ బస్సుల్లో ల్యాప్టాప్లు, పర్సులు లేదా ముఖ్యమైన పత్రాలను వదిలివేయడం తరచుగా జరుగుతుంటుంది. అటువంటి సమయంలో భయాందోళనకు గురికాకుండా, మీ వస్తువులను సురక్షితంగా తిరిగి పొందేందుకు ఆర్టీసీ అధికారులు కొన్ని సులభమైన మార్గాలను సూచిస్తున్నారు. మీరు ప్రయాణించిన టికెట్ మీ వద్ద ఉన్నట్లయితే, దానిపై ఉండే సర్వీస్ నంబర్ ద్వారా సంబంధిత డిపో అధికారులను లేదా డ్రైవర్, కండక్టర్లను వెంటనే సంప్రదించి సమాచారాన్ని సేకరించవచ్చు.
ఒకవేళ మీ వద్ద టికెట్ లేకపోయినా, మీరు ఆందోళన చెందాల్సిన అవసరం లేదు. మీరు ప్రయాణించిన బస్సు రూట్, సమయం మరియు బస్సు నంబర్ వంటి వివరాలను గుర్తుంచుకుని నేరుగా సంబంధిత బస్సు డిపో మేనేజర్ను కలవాలి. మీరు అందించే వివరాలు సరిపోలితే, బస్సులో లభించిన మీ వస్తువులను అధికారులు మీకు అప్పగిస్తారు. సాధారణంగా బస్సు చివరి స్టాప్కు చేరుకున్నాక, సిబ్బంది బస్సును తనిఖీ చేసి లభించిన వస్తువులను డిపోలో భద్రపరుస్తారు.
సత్వర సహాయం కోసం తెలుగు రాష్ట్రాల ఆర్టీసీ సంస్థలు ప్రత్యేక హెల్ప్లైన్ నంబర్లను అందుబాటులో ఉంచాయి. ఆంధ్రప్రదేశ్ ప్రయాణికులు 0866 2570005 లేదా 149 నంబర్కు, తెలంగాణ ప్రయాణికులు 040-69440000 లేదా 040-23450033 నంబర్లకు ఫోన్ చేసి ఫిర్యాదు చేయవచ్చు. విలువైన వస్తువులు పోగొట్టుకున్నప్పుడు ఎంత త్వరగా అధికారులకు సమాచారం అందిస్తే, అవి తిరిగి దొరికే అవకాశం అంత ఎక్కువగా ఉంటుంది.
