తెలంగాణలో కొత్త విద్యుత్ కనెక్షన్ల జారీ ప్రక్రియలో రేపటి నుంచి (ఫిబ్రవరి 5, 2026) భారీ మార్పులు అమలులోకి రానున్నాయి. ఇప్పటివరకు కొత్త కనెక్షన్ తీసుకోవాలంటే స్తంభాలు, లైన్ల దూరాన్ని బట్టి వినియోగదారుల నుంచి వేర్వేరుగా ఫీజులు వసూలు చేసేవారు. దీనివల్ల విద్యుత్ కార్యాలయం నుంచి దూరంగా ఉన్న వారికి భారీగా ఖర్చయ్యేది. అయితే, ఈ వ్యత్యాసాన్ని తొలగిస్తూ రాష్ట్ర విద్యుత్ నియంత్రణ మండలి కొత్త మార్గదర్శకాలను జారీ చేసింది. ఇకపై లైన్ల దూరం ఎంత ఉన్నప్పటికీ, లోడ్ సామర్థ్యాన్ని బట్టి నిర్ణీత (ఫిక్స్డ్) ఛార్జీలు మాత్రమే చెల్లిస్తే సరిపోతుంది.
గృహ విద్యుత్ కనెక్షన్ల (Domestic) ఛార్జీల వివరాలు: కొత్త నిబంధనల ప్రకారం, గృహ అవసరాల కోసం కనెక్షన్ తీసుకునే వారు 1 కిలోవాట్ వరకు రూ.500 చెల్లించాలి. 1 కిలోవాట్ నుంచి 5 కిలోవాట్ల (KV) వరకు రూ.500 వసూలు చేస్తారు, ఆ పైన పెరిగే ప్రతి అదనపు కిలోవాట్కు రూ.600 అదనంగా ఉంటుంది. అలాగే 5 కిలోవాట్ల నుంచి 20 కిలోవాట్ల మధ్య ఉంటే రూ.2,900 నిర్ణయించారు, ఆపై ప్రతి అదనపు కిలోవాట్కు రూ.1,500 వసూలు చేస్తారు. ఒకవేళ కనెక్షన్ లోడ్ 20 కిలోవాట్ల కంటే ఎక్కువగా ఉంటే రూ.10,000 ఫీజుగా నిర్ణయించారు. దీనివల్ల మధ్యతరగతి ప్రజలకు మరియు కొత్త ఇళ్లు నిర్మించుకునే వారికి ఆర్థికంగా కొంత మేలు కలగనుంది.
వాణిజ్య కనెక్షన్లు మరియు ఇతర అంశాలు: వాణిజ్య (Commercial) అవసరాల కోసం తీసుకునే కనెక్షన్లకు 1 కిలోవాట్ వరకు రూ.1,000 ఫీజుగా నిర్ణయించారు. గతంలో ఉన్న సంక్లిష్టమైన లెక్కలను పక్కనపెట్టి, సామాన్యులకు సైతం సులభంగా అర్థమయ్యేలా ఈ ఛార్జీల పట్టికను రూపొందించారు. ఈ కొత్త విధానం వల్ల విద్యుత్ శాఖలో పారదర్శకత పెరుగుతుందని, అదనపు వసూళ్లకు చెక్ పడుతుందని అధికారులు భావిస్తున్నారు. ఈ నిర్ణయంతో రాష్ట్రవ్యాప్తంగా కొత్తగా విద్యుత్ మీటర్ల కోసం దరఖాస్తు చేసుకునే వేలాది మందికి లబ్ధి చేకూరనుంది.
ముఖ్యమైన ఛార్జీల పట్టిక (గృహ అవసరాలకు):
