మెగాస్టార్ చిరంజీవి, విక్టరీ వెంకటేష్ తొలిసారిగా కలిసి నటించిన భారీ మల్టీస్టారర్ ‘మన శంకర వరప్రసాద్ గారు’ బాక్సాఫీస్ వద్ద విజృంభిస్తోంది. సంక్రాంతి కానుకగా విడుదలైన ఈ చిత్రం ఇప్పటికే బ్లాక్ బస్టర్ హిట్ టాక్ను సొంతం చేసుకుని భారీ వసూళ్లను రాబడుతోంది. అయితే, ఈ సినిమాలో కేవలం 20 నిమిషాల నిడివి ఉండే ‘వెంకీ గౌడ’ పాత్ర కోసం వెంకటేష్ భారీ స్థాయిలో రెమ్యునరేషన్ తీసుకున్నారంటూ సోషల్ మీడియాలో జరుగుతున్న ప్రచారంపై చిత్ర నిర్మాత సుష్మిత కొణిదెల స్పందించారు.
ఇటీవల ఇచ్చిన ఒక ఇంటర్వ్యూలో సుష్మిత మాట్లాడుతూ, వెంకటేష్ రెమ్యునరేషన్ విషయంలో తమ మధ్య ఎలాంటి చర్చలు లేదా విభేదాలు జరగలేదని స్పష్టం చేశారు. “వెంకటేష్ గారి ప్రెజెన్స్ ఈ సినిమాకు ఒక బిగ్ వాల్యూ తీసుకొచ్చింది. ఆయనకు ఎంత పారితోషికం ఇచ్చినా మాకు ఆనందమే, ఎందుకంటే ఆ పాత్రకు ఆయన పూర్తి న్యాయం చేశారు” అని ఆమె పేర్కొన్నారు. సినిమాలో వెంకీ గౌడ ఎంట్రీ తర్వాత కథ పీక్ లెవల్కు వెళ్లిందని, ఆయన ఒక జెన్యూన్ పర్సన్ అని సుష్మిత ప్రశంసల జల్లు కురిపించారు.
చిరంజీవి మరియు వెంకటేష్ సెట్స్లో ఉన్నప్పుడు వాతావరణం చాలా సందడిగా ఉండేదని, వారిద్దరి మధ్య ఉన్న బాండింగ్ సినిమా విజయానికి ప్రధాన కారణమని సుష్మిత తెలిపారు. భవిష్యత్తులో వీరిద్దరి కాంబినేషన్లో ఒక ఫుల్ లెంగ్త్ మల్టీ
