ముంబాయి: చునాభట్టి సమీపంలో ముంబైలోని తూర్పు ఎక్స్‌ప్రెస్ హైవేపై మిక్సర్ వాహనం నాలుగు వాహనాలను బలంగా ఢీకొట్టింది. ఈ ప్రమాదంలో ఒకరు అక్కడికక్కడే మృతి చెందారు. ఇద్దరు వ్యక్తులు గాయపడినట్లు సమాచారం. ఉదయం 8:30 గంటల ప్రాంతంలో ప్రమాదం జరిగింది. అందులో యాక్టివా డ్రైవర్ మృతి చెందాడు. మృతుడి పేరు అబ్దుల్ షేక్. క్షతగాత్రులు సమీపంలోని సియోన్ ఆస్పత్రిలో చికిత్స పొందుతున్నారు.
ప్రమాదం జరిగిన వెంటనే పోలీసులు అక్కడికి చేరుకున్నారు. వర్షం కారణంగా ప్రమాదం జరిగిన తర్వాత వాహనాలను పక్కకు తీసుకెళ్లడం కష్టమైంది. కొంత సేపటి తర్వాత అక్కడ ఉన్న వాహనాలన్నింటినీ తొలగించి రోడ్డును క్లియర్ చేశారు. ఈ ప్రమాదంలో గాయపడిన సూరజ్ సిగ్వాన్, అబ్దుల్ వాహిద్ సిద్ధిఖీ ముంబైలోని సియోన్ ఆస్పత్రిలో చికిత్స పొందుతున్నారు. అబ్దుల్ షేక్ మృతదేహాన్ని బంధువులకు అప్పగిస్తామని పోలీసులు తెలిపారు.
