అంబర్పేట్లో ఉస్మానియా బిస్కెట్ తయారీ కేంద్రం పై పోలీసుల దాడి – షాకింగ్ నిజాలు వెలుగు
హైదరాబాద్ నగరంలో ఆహార భద్రతపై మరోసారి ఆందోళన కలిగించే ఘటన వెలుగులోకి వచ్చింది. నగరంలోని అంబర్పేట్ లోని కమలానగర్లో ఉస్మానియా బిస్కెట్లు తయారు చేస్తున్న ఓ కేంద్రం పై పోలీసులు అకస్మాత్తుగా దాడులు నిర్వహించారు. ఈ దాడిలో బయటపడిన వివరాలు ప్రజలను కలవరపెడుతున్నాయి.
పోలీసులు మరియు ఫుడ్ సేఫ్టీ అధికారులు సంయుక్తంగా చేసిన తనిఖీల్లో, బిస్కెట్ల తయారీలో అత్యంత ప్రమాదకరమైన రసాయనాలు ఉపయోగిస్తున్నట్టు గుర్తించారు. బిస్కెట్లకు ఆకర్షణీయమైన రంగులు రావడానికి ప్రత్యేకంగా కెమికల్స్ కలిపి కొత్త రంగులు తయారు చేస్తున్నట్లు అధికారులు తెలిపారు.
తనిఖీల సమయంలో ఫ్యాక్టరీలో ఉన్న పరిస్థితులు కూడా తీవ్ర ఆందోళన కలిగించాయి.
అత్యంత ఆపరిశుభ్రమైన వాతావరణంలో ఉస్మానియా బిస్కెట్లు తయారు చేస్తున్నట్లు తేలింది. పరిశుభ్రత ప్రమాణాలు పూర్తిగా లెక్కచేయకుండా తయారీ జరుగుతున్నట్లు అధికారులు గుర్తించారు.
ఇంకా విచారణలో బయటపడిన మరో షాకింగ్ విషయం ఏమిటంటే –
బిస్కెట్ల తయారీలో నాసిరకం, పాడైన గుడ్లు ఉపయోగిస్తున్నట్టు అధికారులు గుర్తించారు. ఈ గుడ్లు వినియోగించడం ప్రజల ఆరోగ్యానికి తీవ్రమైన ప్రమాదమని అధికారులు హెచ్చరించారు.
ఈ ఘటనపై ఫ్యాక్టరీ యాజమానీ మేరజ్ అదుపులోకి తీసుకొని కేసు నమోదు చేశారు. నగరంలో ఆహార భద్రత ప్రమాణాలపై మరింత కఠినంగా తనిఖీలు కొనసాగుతాయని అధికారులు తెలిపారు.
ఈ ఘటనతో **హైదరాబాద్ నగరంలో ఫుడ్ సేఫ్టీపై పెద్ద చర్చ మొదలైంది.
