దళపతి విజయ్ తన సినీ కెరీర్కు స్వస్తి పలికే ముందు నటిస్తున్న చివరి చిత్రం ‘జననాయగన్’ కావడంతో ప్రపంచవ్యాప్తంగా భారీ అంచనాలు నెలకొన్నాయి. హెచ్. వినోద్ దర్శకత్వంలో రూపొందుతున్న ఈ పొలిటికల్ యాక్షన్ థ్రిల్లర్, 2026 సంక్రాంతి కానుకగా థియేటర్లలోకి రానుంది. ఈ సినిమాలో పూజా హెగ్డే, మమిత బైజూ, ప్రియమణి, బాబీ డియోల్ వంటి భారీ తారాగణం నటిస్తుండగా, అనిరుధ్ రవిచందర్ సంగీతం అందిస్తున్నారు. విజయ్ త్వరలోనే పూర్తిస్థాయి రాజకీయాల్లోకి ప్రవేశిస్తున్న తరుణంలో, ఈ సినిమా ఆయన రాజకీయ సిద్ధాంతాలను ప్రతిబింబించేలా ఉంటుందని తెలుస్తోంది.
సోషల్ మీడియాలో లీకైన కథాంశం ప్రకారం, ఈ సినిమా ప్రధానంగా రెండు విభిన్నమైన సిద్ధాంతాల మధ్య జరిగే ఘర్షణ (Clash of Ideologies) చుట్టూ తిరుగుతుంది. ప్రజల పక్షాన నిలబడే ఒక నాయకుడికి, అధికారాన్ని అడ్డుపెట్టుకుని అరాచకాలు చేసే వ్యక్తికి మధ్య జరిగే పోరాటమే ఈ చిత్ర ఇతివృత్తం. అయితే వీరిద్దరి మధ్య గొడవ ఇప్పటిది కాదని, చాలా ఏళ్ల క్రితం జరిగిన ఒక పాత సంఘటన కారణంగానే వీరు మళ్ళీ ఎదురెదురుగా నిలబడతారని సమాచారం. ఈ గతానికి సంబంధించిన ఫ్లాష్బ్యాక్ ఎపిసోడ్ సినిమాలో ప్రధాన ఆకర్షణగా నిలవబోతోంది.
సినిమాలో ఒక చిన్నారికి కలిగే భయం ఈ పాత గొడవను మళ్ళీ వెలుగులోకి తెస్తుందని, ఆ పాపకు న్యాయం చేసే క్రమంలోనే కథ అనూహ్య మలుపులు తిరుగుతుందని తెలుస్తోంది. ఈ క్రమంలోనే ఒక మాజీ పోలీస్ అధికారి రంగంలోకి దిగి దుష్టశక్తులపై పోరాటం చేస్తారట. ఈ సినిమాలో విజయ్ ద్విపాత్రాభినయం (Double Role) చేస్తున్నట్లు గట్టిగా వినిపిస్తోంది.. ఒక పాత్ర ప్రజానాయకుడిగా, మరొకటి పవర్ ఫుల్ పోలీస్ ఆఫీసర్గా ఉండే అవకాశం ఉంది. విజయ్ రాజకీయ భవిష్యత్తుకు ఈ సినిమా ఒక బలమైన దిశానిర్దేశం చేస్తుందని అభిమానులు ఆశిస్తున్నారు.
