భారత్, సౌతాఫ్రికా మధ్య జరుగుతున్న మూడు వన్డేల సిరీస్లో భాగంగా రాయ్పూర్లోని షహీద్ వీర్ నారాయణ్ సింగ్ ఇంటర్నేషనల్ స్టేడియంలో జరిగిన రెండవ వన్డే (IND vs SA 2nd ODI)లో టీమిండియా భారీ స్కోరు చేసింది. ఈ మ్యాచ్లో టాస్ గెలిచిన సౌతాఫ్రికా కెప్టెన్ టెంబా బావుమా భారత్ను మొదట బ్యాటింగ్కు ఆహ్వానించాడు. మొదట బ్యాటింగ్ చేసిన టీమిండియా నిర్ణీత 50 ఓవర్లలో ఐదు వికెట్ల నష్టానికి 358 పరుగులు చేసి, దక్షిణాఫ్రికాకు 359 పరుగుల భారీ లక్ష్యాన్ని విధించింది.
భారత్కు ఓపెనర్లు రోహిత్ శర్మ (14), యశస్వి జైస్వాల్ (22) శుభారంభం అందించినప్పటికీ, వారిద్దరూ త్వరగా అవుటయ్యారు. ఆ తర్వాత క్రీజులోకి వచ్చిన విరాట్ కోహ్లీ మరియు రుతురాజ్ గైక్వాడ్ జోడీ అద్భుతంగా రాణించింది. రుతురాజ్ గైక్వాడ్ కేవలం 77 బంతుల్లోనే తన కెరీర్లో రెండో సెంచరీని పూర్తి చేశాడు. అతను 82 బంతుల్లో 12 ఫోర్లు, రెండు సిక్సర్ల సహాయంతో 105 పరుగులు చేశాడు.
మరోవైపు, రాంచీ వన్డేలో సెంచరీ సాధించిన విరాట్ కోహ్లీ అదే ఫామ్ను కొనసాగించి, 93 బంతుల్లో ఏడు ఫోర్లు, రెండు సిక్సర్ల సహాయంతో 102 పరుగులు చేశాడు. ఈ జోడీ మూడో వికెట్కు అజేయంగా 195 పరుగులు జోడించింది. చివర్లో కెప్టెన్ కేఎల్ రాహుల్ (43 బంతుల్లో 66 పరుగులు, నాటౌట్) ధాటిగా బ్యాటింగ్ చేయడంతో టీమిండియా భారీ స్కోరు సాధించింది. సౌతాఫ్రికా బౌలర్లలో మార్కో జాన్సెన్కు రెండు వికెట్లు దక్కాయి. వన్డేల్లో దక్షిణాఫ్రికాపై భారత్కు ఇది రెండో భారీ స్కోర్.
