తెలుగు సినీ పరిశ్రమలో వైవిధ్యమైన కథలను తెరకెక్కిస్తూ తనకంటూ ప్రత్యేక గుర్తింపు తెచ్చుకున్న దర్శకుడు జాగర్లమూడి క్రిష్ మరో ఆసక్తికరమైన ప్రాజెక్ట్తో ప్రేక్షకుల ముందుకు వచ్చేందుకు సిద్ధమవుతున్నారు. అనుష్క శెట్టి ప్రధాన పాత్రలో ఆయన తెరకెక్కించిన ‘ఘాటి’ చిత్రం బాక్సాఫీస్ వద్ద ఆశించిన స్థాయిలో విజయాన్ని అందుకోలేకపోయింది. అయితే ఆ ఫలితం నుంచి త్వరగానే బయటపడిన క్రిష్.. తన తదుపరి ప్రాజెక్ట్పై దృష్టి సారించారు.
గత కొన్ని నెలలుగా ఏడుగురు కొత్త నటీనటులతో సరికొత్త ప్రయాణ కథాంశంతో ఓ సినిమాను రూపొందించే పనిలో క్రిష్ నిమగ్నమైనట్లు తెలుస్తోంది. పూర్తిగా కొత్త కాన్సెప్ట్తో తెరకెక్కనున్న ఈ సినిమా ద్వారా ప్రేక్షకులకు భిన్నమైన అనుభూతిని అందించేందుకు దర్శకుడు ప్రయత్నిస్తున్నట్లు సమాచారం. కొత్త నటీనటులతో ప్రయాణం నేపథ్యంలో కథను రూపొందించడం సినిమాపై ఆసక్తిని పెంచుతోంది.
ఈ ప్రాజెక్ట్కు సంబంధించిన కథ, నటీనటులు, సాంకేతిక నిపుణులు, టైటిల్ వంటి వివరాలను చిత్రబృందం త్వరలో అధికారికంగా ప్రకటించే అవకాశం ఉంది. వైవిధ్యమైన కథలను ఎంచుకునే క్రిష్ ఈసారి ఎలాంటి ప్రయోగం చేయబోతున్నారనే ఆసక్తి సినీ వర్గాల్లో నెలకొంది. ‘ఘాటి’ తర్వాత క్రిష్ నుంచి రాబోతున్న ఈ కొత్త సినిమా ఎలా ఉండబోతుందో చూడాలి.
