కోలీవుడ్లో భారీ అంచనాలు నెలకొన్న చిత్రాల్లో అజిత్ కుమార్ నటిస్తున్న తాజా ప్రాజెక్ట్ ఒకటిగా నిలిచింది. అజిత్ నటించిన ‘గుడ్ బ్యాడ్ అగ్లీ’ చిత్రం బాక్సాఫీస్ వద్ద ఘన విజయం సాధించిన విషయం తెలిసిందే. ఆ సినిమా విజయంతో మంచి జోష్లో ఉన్న అజిత్.. మరోసారి దర్శకుడు ఆధిక్ రవిచంద్రన్తో కలిసి పనిచేయడానికి సిద్ధమయ్యారు.
ఇప్పటివరకు ఈ సినిమాను ‘ఏకే 64’ అనే వర్కింగ్ టైటిల్తో పిలుస్తూ వచ్చారు. తాజాగా చిత్రబృందం ఈ సినిమాకు ‘డేర్డెవిల్’ అనే టైటిల్ను అధికారికంగా ఖరారు చేసినట్లు ప్రకటించింది. టైటిల్ ప్రకటనతో అజిత్ అభిమానుల్లో సినిమాపై ఆసక్తి మరింత పెరిగింది.
‘గుడ్ బ్యాడ్ అగ్లీ’ తర్వాత అజిత్, ఆధిక్ రవిచంద్రన్ కాంబినేషన్లో వస్తున్న ఈ చిత్రం ఎలాంటి కథతో తెరకెక్కనుందనే విషయంపై ఆసక్తి నెలకొంది. ఇప్పటికే టైటిల్పై సోషల్ మీడియాలో చర్చ మొదలైంది. సినిమాకు సంబంధించిన మరిన్ని వివరాలు, నటీనటులు, సాంకేతిక నిపుణుల వివరాలను చిత్రబృందం త్వరలో వెల్లడించే అవకాశం ఉంది.
