నేచురల్ స్టార్ నాని హీరోగా, శ్రీకాంత్ ఓదెల దర్శకత్వంలో వస్తున్న ‘ది ప్యారడైజ్’ సినిమా చిత్రీకరణపై గత కొద్ది రోజులుగా ప్రచారంలో ఉన్న వదంతులపై చిత్ర బృందం స్పందించింది. సినిమా అనుకున్న ప్రణాళిక ప్రకారమే ముందుకు సాగుతోందని, ఎలాంటి జాప్యం లేదని స్పష్టం చేస్తూ ఒక అధికారిక ప్రకటన విడుదల చేసింది. ఈ క్రమంలోనే సినిమా విడుదల తేదీని కూడా ఖరారు చేసింది.
“‘ది ప్యారడైజ్’ సినిమాపై కొన్ని నిరాధారమైన ఊహాగానాలు వ్యాపిస్తున్నాయి. తొలి రోజు నుంచి స్పష్టమైన ప్రణాళికతోనే ఈ చిత్రాన్ని ప్రారంభించాం. ఇప్పటివరకు 100 రోజులకు పైగా షూటింగ్ విజయవంతంగా పూర్తి చేశాం. మిగిలిన షెడ్యూల్ కూడా పక్కాగా జరుగుతోంది. ఇప్పటివరకు ఒక్క రీషూట్ కూడా చేయలేదు, భవిష్యత్తులో కూడా అలాంటి ఆలోచన లేదు” అని చిత్ర బృందం తేల్చి చెప్పింది.
సినిమాకు సంబంధించిన ఏ అప్డేట్ అయినా తమ అధికారిక మాధ్యమాల ద్వారానే తెలుసుకోవాలని ప్రేక్షకులను, మీడియాను కోరింది. ఇకపై సినిమా గురించి తప్పుడు సమాచారం ప్రచారం చేస్తే తామే నేరుగా స్పందిస్తామని, వార్తలను ప్రసారం చేసేటప్పుడు బాధ్యతగా వ్యవహరించాలని సూచించింది.
ప్రస్తుతం సినిమా పనులు సజావుగా సాగుతున్నాయని తెలిపిన చిత్ర యూనిట్, ‘ది ప్యారడైజ్’ చిత్రాన్ని 2026 ఆగస్టు 21న ప్రపంచవ్యాప్తంగా గ్రాండ్గా విడుదల చేయనున్నట్లు ప్రకటించింది. ఇందులో కయాదు లోహర్ కథానాయికగా నటిస్తోంది.
