అఖిల్ రాజ్, తేజస్వి రావు జంటగా నటించిన రీసెంట్ కల్ట్ విలేజ్ లవ్ స్టోరీ ‘రాజు వెడ్స్ రాంబాయి’ చిన్న సినిమాగా విడుదలై బాక్సాఫీస్ వద్ద బిగ్ సక్సెస్ అందుకుంది. కేవలం మౌత్ టాక్తోనే ఈ చిత్రం హిట్ కలెక్షన్స్తో దూసుకుపోతోంది. ఈ నెల 21న ప్రేక్షకుల ముందుకు వచ్చిన ఈ సినిమా, తొలి రోజు నుంచే మంచి ఓపెనింగ్స్తో జర్నీని ప్రారంభించింది. రోజు రోజుకూ కలెక్షన్లు పెరుగుతుండటంతో చిత్ర యూనిట్ సంతోషం వ్యక్తం చేస్తోంది.
ఈ మూవీ విడుదలైన 3 రోజుల్లోనే ఏకంగా రూ. 7.28 కోట్ల గ్రాస్ వసూళ్లు రాబట్టింది. మొదటి రోజు తెలుగు రాష్ట్రాల్లో రూ. 1.47 కోట్ల గ్రాస్ కలెక్షన్స్ రాగా, రెండు రోజుల్లో రూ. 3 కోట్ల గ్రాస్ మార్క్ను దాటినట్లు తెలుస్తోంది. ఫస్ట్ డే కలెక్షన్స్ను మించి సెకండ్ డే, ఆపై మూడో రోజు కూడా వసూళ్లు పెరగడం ఈ సినిమాకు దక్కిన ఘనతగా చెబుతున్నారు.
ఈ చిత్రానికి సాయిలు కంపాటి దర్శకత్వం వహించగా, ఈటీవీ విన్ ప్రొడక్షన్ హౌస్ సమర్పణలో వేణు ఊడుగుల, రాహుల్ మోపిదేవి నిర్మించారు. ఈ చిత్రంలో అఖిల్ రాజ్, సోషల్ మీడియా ఇన్ ఫ్లుయెన్సర్ తేజస్వి రావు హీరో హీరోయిన్లుగా నటించారు. వీరితో పాటు చైతన్య జొన్నలగడ్డ, శివాజీ రాజా, అనిత చౌదరి, శ్రీరంగం తదితరులు కీలక పాత్రలు పోషించారు. ఒక విలేజ్ లవ్ స్టోరీని డిఫరెంట్గా, ఎమోషనల్గా తెరకెక్కించి సక్సెస్ సాధించారు.
