రాష్ట్ర స‌ర్కార్ తెలంగాణ పోలీస్ శాఖ అధికారిక చిహ్నంలో మార్పులు చేసింది. రాష్ట్ర పోలీస్ శాఖ కొత్త లోగోను విడుదల చేసింది. గతంలో ఉన్న లోగోలో ‘‘తెలంగాణ స్టేట్‌ పోలీస్’’ తొలగించి ‘‘తెలంగాణ పోలీస్’’ పేరుతో కొత్త లోగోను విడుదల చేసింది. ఈ మేరకు తెలంగాణ పోలీస్ ట్విట్టర్‌ ఖాతాలో ఆదివారం కొత్త లోగోను పోస్ట్‌ చేసింది.
పదేండ్లపాటు ‘తెలంగాణ స్టేట్‌ పోలీస్’ అని ఉండగా.. కాంగ్రెస్‌ ప్రభుత్వం అధికారంలోకి వచ్చాక ‘స్టేట్‌’ అనే పదాన్ని తొలగించి ‘తెలంగాణ పోలీస్’గా మార్చారు. గత నెలలో హోంశాఖ ప్రత్యేక కార్యదర్శి చేసిన ఉత్తర్వుల మేరకు.. లోగోతోపాటు బ్యాడ్జీలు, క్యాపులు, బెల్టులను మార్చారు. అందుకు సంబంధించిన బడ్జెట్‌ను హోంశాఖకు పంప గా.. అందరికీ కొత్త లోగోలు పంపిణీ చేసినట్టు తెలిసింది. లోగో మార్పుపై తెలంగాణ పోలీస్ ట్విటర్‌ హ్యాండిల్‌లో పోస్టు చేశారు.
