సూపర్స్టార్ రజనీకాంత్, టాలీవుడ్ ఎనర్జిటిక్ స్టార్ రామ్ పోతినేని కాంబినేషన్లో వస్తున్న క్రేజీ ప్రాజెక్ట్ ‘ధర్మన్’ పై సినీ వర్గాల్లో భారీ అంచనాలు నెలకొన్నాయి. ‘ఓ మై కడవులే’ ఫేమ్ అశ్విత్ మారిముత్తు దర్శకత్వంలో కమల్ హాసన్ రాజ్ కమల్ ఫిల్మ్స్ నిర్మిస్తున్న ఈ సినిమాలో రామ్ పోతినేని నెగిటివ్ షేడ్స్ ఉన్న పవర్ఫుల్ విలన్ పాత్రలో కనిపించబోతున్నారనే వార్త నెట్టింట రచ్చ చేస్తోంది. రజనీ, రామ్ల మధ్య వచ్చే మాస్ సన్నివేశాలు థియేటర్లను షేక్ చేయడం ఖాయంగా కనిపిస్తోంది.ఆ విశేషాలు చూద్దాం..
తమిళ సూపర్స్టార్ రజనీకాంత్, టాలీవుడ్ యంగ్ హీరో రామ్ పోతినేని కాంబినేషన్లో వస్తున్న భారీ పాన్ ఇండియా చిత్రం ‘ధర్మన్’. ఈ సినిమాకు అశ్విత్ మారిముత్తు దర్శకత్వం వహిస్తుండగా, లోకనాయకుడు కమల్ హాసన్కు చెందిన రాజ్ కమల్ ఫిల్మ్స్ ఇంటర్నేషనల్ సంస్థ ఎంతో ప్రతిష్టాత్మకంగా నిర్మిస్తోంది. ఇక ఈ ఇద్దరు ఎనర్జిటిక్ హీరోలు ఒకే స్క్రీన్పై కనిపిస్తుండటంతో ఇటు కోలీవుడ్, అటు టాలీవుడ్ ప్రేక్షకుల్లో అప్పుడే విపరీతమైన క్యూరియాసిటీ మొదలైంది.
ఈ సినిమాలో రజనీకాంత్ సరికొత్తగా డాక్టర్ పాత్రలో అలరించనున్నారని సమాచారం. అయితే అసలు సిసలైన ట్విస్ట్ రామ్ పోతినేని పాత్రతోనే రాబోతోందట. ఇక రజనీకాంత్కు అల్లుడి వరుస అయ్యే పాత్రలో రామ్ కనిపిస్తారని, ఆయన క్యారెక్టర్కు పవర్ఫుల్ నెగిటివ్ షేడ్స్ ఉంటాయని టాక్ నడుస్తోంది. మామూలు విలన్లా కాకుండా రజనీ ఇమేజ్కు ఏమాత్రం తగ్గకుండా మామా-అల్లుళ్ల ఈగో క్లాష్ చుట్టూ ఈ కథ నడుస్తుందని తెలుస్తోంది.
ఇప్పటివరకు రామ్ పోతినేనిని ఎనర్జిటిక్ మాస్ హీరోగానే చూశాం, కానీ మొదటిసారి రజనీలాంటి దిగ్గజ నటుడికి పోటీగా నెగిటివ్ షేడ్స్లో చూడబోతుండటం పెద్ద హైలైట్. ఇక వీరిద్దరి మధ్య వచ్చే ఫేస్-ఆఫ్ సన్నివేశాలు మాస్ ప్రేక్షకులకు పూనకాలు తెప్పించేలా దర్శకుడు డిజైన్ చేశారట. ఈ క్రేజీ ప్రాజెక్ట్కు సంగీత దర్శకుడు అనిరుధ్ రవిచందర్ మ్యూజిక్ అందిస్తున్నారు.
సినిమాలో రామ్ పాత్రకు సంబంధించి మూడు ప్రత్యేక ట్రాక్స్ ఉండనున్నాయి. ఇందులో రజనీకాంత్, రామ్ పోతినేని కలిసి చేసే ఒక హై-ఎనర్జీ మాస్ డాన్స్ సాంగ్ ప్రధాన ఆకర్షణగా నిలవనుందని తెలుస్తోంది. ఇక రజనీ స్టైల్, రామ్ స్పీడ్ కలిస్తే థియేటర్లలో విజిళ్లు పడటం ఖాయం. ఈ సినిమాలో సీనియర్ నటి సిమ్రాన్, అందాల భామ రాశీ ఖన్నా కూడా కీలక పాత్రలు పోషిస్తున్నారు.
ఇండియన్ సినిమాలో సరికొత్త కాంబినేషన్లతో వస్తున్న చిత్రాలకు మంచి డిమాండ్ ఉంది. రజనీకాంత్ క్రేజ్, రామ్ పోతినేని యంగ్ ఎనర్జీ తోడైతే బాక్సాఫీస్ వద్ద రికార్డులు తిరగరాయడం ఖాయంగా కనిపిస్తోంది. ఇక హీరోగా మెప్పించిన రామ్, విలన్ అవతార్లో రజనీని ఎలా ఢీకొడతాడో చూడటానికి అభిమానులు ఎంతో ఆసక్తిగా ఎదురుచూస్తున్నారు.
