హౌరా-బికనీర్ ఎక్స్ప్రెస్ రైల్లో ప్రయాణిస్తున్న కోల్కతాకు చెందిన ఒక నగల వ్యాపారి ప్రతినిధి నుంచి సుమారు కిలోకు పైగా బంగారు బిస్కెట్లను కొందరు దొంగిలించారు. ఈ కేసులో విచారణ చేపట్టిన ప్రత్యేక దర్యాప్తు బృందం (SIT), దర్యాప్తు అధికారిగా ఉన్న గయ రైల్వే పోలీస్ స్టేషన్ హౌస్ ఆఫీసర్ (SHO) రాజేష్ కుమార్ సింగ్ హస్తం ఉన్నట్లు గుర్తించి అతడిని అరెస్ట్ చేసింది.
అసలేం జరిగింది?
-
నవంబరులో చోరీ: నగల వ్యాపారి వద్ద పనిచేసే ధనంజయ్ అనే వ్యక్తి హౌరా-బికనీర్ ఎక్స్ప్రెస్లో బంగారం డెలివరీ కోసం వెళ్తుండగా ఈ దోపిడీ జరిగింది.
-
పోలీసుల వేషంలో దోపిడీ: గయ స్టేషన్ వద్ద పోలీస్ యూనిఫామ్లో ఉన్న నలుగురు వ్యక్తులు రైలు ఎక్కి ధనంజయ్తో మాటలు కలిపారు. తన వద్ద ఉన్న బంగారం వివరాలను అతను వారికి చెప్పగా, అతను నిద్రపోయిన సమయంలో ఆ బంగారాన్ని దొంగిలించారు.
-
కాల్ రికార్డింగ్స్తో దొరికిపోయారు: బాధితుడు ఫిర్యాదు చేయడంతో రంగంలోకి దిగిన పట్నా రైల్వే ఎస్పీ బృందం, అనుమానిత అధికారుల కాల్ రికార్డింగ్స్ను పరిశీలించింది. ఈ క్రమంలో ఎస్హెచ్ఓ రాజేష్ కుమార్ సింగ్ మరియు అతడి సిబ్బంది ఈ దోపిడీకి ప్లాన్ చేసినట్లు నిర్ధారణ అయింది.
మిగిలిన నిందితుల కోసం గాలింపు:
ఈ కేసులో ప్రధాన సూత్రధారి రాజేష్ కుమార్ను అరెస్ట్ చేసి జ్యుడిషియల్ కస్టడీకి పంపగా, ఈ నేరంతో సంబంధం ఉన్న ఇతర నిందితులైన కరన్ కుమార్, అభిషేక్ చతుర్వేది, రంజన్జయ్ కుమార్ మరియు ఒక మాజీ డ్రైవర్ సీతారామ్ కోసం పోలీసులు గాలిస్తున్నారు. ప్రజలకు రక్షణ ఇవ్వాల్సిన అధికారి ఇలాంటి దారుణానికి ఒడిగట్టడంపై ఉన్నతాధికారులు ఆగ్రహం వ్యక్తం చేస్తున్నారు.
