దక్షిణాఫ్రికాతో రాంచీ వేదికగా జరిగిన తొలి వన్డేలో విరాట్ కోహ్లీ అద్భుత శతకంతో భారత విజయంలో కీలక పాత్ర పోషించాడు. ఈ మ్యాచ్లో కోహ్లీ 135 పరుగులతో అద్భుతమైన ఇన్నింగ్స్ ఆడి ప్లేయర్ ఆఫ్ ది మ్యాచ్ అవార్డును అందుకున్నాడు. కోహ్లీ ఇన్నింగ్స్పై టీమిండియా స్పిన్నర్ కుల్దీప్ యాదవ్ స్పందిస్తూ, కోహ్లీ ఎంతో ఆత్మవిశ్వాసంతో ఆడాడని కొనియాడారు.
దక్షిణాఫ్రికాతో జరిగిన తొలి వన్డేలో కోహ్లీ ఆట చూశాక తాను దాదాపు ఒక దశాబ్దం వెనక్కి వెళ్ళినట్లు అనిపించిందని కుల్దీప్ యాదవ్ అన్నారు. 2016 నుంచి 2019 సంవత్సరాలలో కోహ్లీ బ్యాటింగ్ చేసిన విధానం కూడా ఇలాగే దూకుడుగా ఉండేదని కుల్దీప్ గుర్తు చేసుకున్నారు. కోహ్లీ కెప్టెన్గా ఉన్న సమయంలోనే తన క్రికెట్ కెరీర్ ప్రారంభమైందని కూడా ఆయన గుర్తు చేసుకున్నారు.
కీలక సమయంలో కోహ్లీ ఎంతో అద్భుతమైన ఇన్నింగ్స్ ఆడాడని కుల్దీప్ పేర్కొన్నాడు. సందర్భం వచ్చినప్పుడల్లా కోహ్లీ తన సహచరులకు విలువైన సూచనలు చేస్తుంటాడని తెలిపారు. కోహ్లీ చాలా మంచి వ్యక్తి అని, అతని నుండి ఎంతో నేర్చుకోవచ్చని కుల్దీప్ యాదవ్ అన్నారు.
