గ్లోబల్ స్టార్ రామ్ చరణ్, ఉపాసన దంపతులు ఓ వివాహ వేడుక కోసం పారిస్ వెళ్లారు. రామ్ చరణ్, ఉపాసనల కామన్ ఫ్రెండ్ రోసమిన్ మాధవ్ జీ వివాహ వేడుక ఫ్రాన్స్ లో జరిగింది.
ప్రఖ్యాత ఈఫిల్ టవర్ సమీపంలో జరిగిన ఈ కార్యక్రమంలో భారతీయ సంప్రదాయ దుస్తులలో రామ్ చరణ్, ఉపాసన తళుక్కుమన్నారు. ఇరువురు మ్యాచింగ్ దుస్తులు ధరించి సెంటరాఫ్ అట్రాక్షన్ గా నిలిచారు. ఫరాజ్ మీనన్ డిజైన్ చేసిన దుస్తుల్లో రామ్ చరణ్ ఠీవి ఒలకబోశారు. ఇక ఉపాసన గోల్డ్ వర్క్ తో కూడిన రిచ్ బ్రౌన్ అనార్కలి సూట్ లో హుందాగా దర్శనమిచ్చారు.
ఫ్యాషన్ సామ్రాజ్యపు రాజధానిగా పేరుగాంచిన పారిస్ కు తగిన విధంగా రామ్ చరణ్, ఉపాసన దంపతులు తమ స్టయిల్ స్టేట్ మెంట్ ను ఘనంగా చాటారు.
