మరో మాజీ కాలమిస్ట్ క్యారోల్ తీవ్ర ఆరోపణలు
అమెరికా మాజీ అధ్యక్షుడి శృంగార లీలలు బయటపడుతూనే ఉన్నాయి. ఇప్పటికే ఓ కేసులో బెయిల్ పొందిన ఆయన పై మరో మాజీ కాలమిస్ట్ అయిన మహిళ తీవ్ర ఆరోపణలు చేశారు. మాజీ కాలమిస్ట్ జీన్ క్యారోల్ ఈ సంచలన ఆరోపణలు గుప్పించారు. ఆరోపణలను ఖండించిన ట్రంప్ తరపు న్యాయవాది జీన్ కారోల్ డబ్బు కీర్తి కోసం ఇలా తప్పుడు ఆరోపణలు చేస్తోందని వాదించారు.
1990ల మధ్యకాలంలో మాన్ హాటన్ లోని ఫిఫ్త్ అవెన్యూలోని లగ్జరీ బెర్గ్ డార్ఫ్ గుడ్ మ్యాన్ డిపార్ట్మెంట్ స్టోర్ లో దుస్తులు మార్చుకునే గదిలో ట్రంప్ తనను రేప్ చేశాడని 79 ఏళ్ల కారోల్ చెప్పారు. మహిళల లోదుస్తులు కొనుగోలు చేయడం పై ట్రంప్ సరదాగా తనను సలహా అడిగిన తర్వాత ఆ రూమ్ లోకి వచ్చి మరీ తనను మానభంగం చేశాడని ఆమె బయటపెట్టింది. ” లోపల డ్రెస్సింగ్ రూమ్ లోకి వచ్చాడు. ఆ క్షణంలో అంతా మారిపోయింది. ఏమీ సరదాగా సాగలేదు. ట్రంప్ తనకంటే పరిమాణంలో దాదాపు రెండింతలు ఉంటాడు. నన్ను పట్టుకొని రేప్ చేశాడు” అని కారోల్ లాయర్ షాన్ క్రౌలీ మాన్ హాటన్ కోర్టుకు తెలిపారు.
ఇప్పటికే పోర్న్ స్టార్ కి డబ్బు చెల్లింపుకు సంబంధించిన నేరారోపణల పై ట్రంప్ పై విచారణ జరిపిన కొద్ది వారాల తర్వాత ఇది బయటకు రావడం సంచలనమైంది. ట్రంప్ దీని పై స్పందిస్తూ తాను ఆమెను ఎప్పుడూ కలవలేదని ఆమెతో శృంగారం చేయలేదని..ఆమె పూర్తిగా అబద్ధం చెబుతోందని అన్నారు. అయితే ట్రంప్ న్యాయవాదులు మాత్రం రేప్ కు ఎటువంటి ఆధారాలు లేవని, క్యారోల్ డబ్బు కోసం రాజకీయ కారణాలు హోదా కోసం వ్యవస్థను దుర్వినియోగం చేస్తున్నారు అని అన్నారు.
