తెలంగాణలో రాజకీయ పరిస్థితులు హీటెక్కాయి. ఎన్నికల షెడ్యూల్ విడుదలైన నేపథ్యంలో.. అన్ని పార్టీలు ప్రచార పర్వానికి సిద్ధమవుతున్నాయి. బీఆర్ఎస్ పార్టీ అయితే.. అన్ని పార్టీల కంటే ముందే అభ్యర్థులను ప్రకటించేసి.. ముఖ్యమైన పనిని ముందే ముగించేసింది. ఇక మిగిలింది ప్రచారమే. అది కూడా మొదటి విడత అయిపోయినట్టే. కాగా.. ఇప్పుటు ఫక్తు ఎన్నికల పేరిటి నిర్వహించిన ప్రచారమే మిగిలి ఉంది. అయితే.. ఈసారి ఎలాగైనా గెలిచి హ్యాట్రిక్ రికార్డు బద్దలు కొట్టాలన్న కసితో ఉన్న బీఆర్ఎస్ పార్టీ.. అందుకు తగ్గట్టుగా గట్టిగానే ప్లాన్ చేస్తోంది. అందుకోసం.. గులాబీబాస్ కేసీఆరే స్వయంగా రంగంలోకి దిగుతున్నారు. అక్టోబర్ 15 నుంచి కదనరంగంలోకి అడుగుపెడుతున్న బీఆర్ఎస్ అధినేత.. వరుసగా జిల్లాలు, నియోజకవర్గాల పర్యటన చేయనున్నారు.
15న మొదటగా.. హుస్నాబాద్ నియోజకవర్గంలో ఏర్పాటు చేసే బహిరంగ సభలో పాల్గొననున్న గులాబీ బాస్.. అక్కడి నుంచి ఎన్నికల రణభేరిని మోగించనున్నారు. అదే రోజు బీఆర్ఎస్ మేనిఫెస్టో కూడా విడుదల చేస్తారు. ఇక.. ఆ తర్వాత వరుసగా.. అన్ని జిల్లాలు కవరయ్యేట్టుగా ముఖ్యమైన ప్రాంతాల్లో పర్యటించనున్నారు. ఇందుకు సంబంధించిన షెడ్యూల్ ఇప్పటికే సిద్ధమైంది. కాగా.. అక్టోబర్ 15న మొదలయ్యే కేసీఆర్ ప్రచార పర్యటన.. అన్నీ అనుకున్నట్టుగా జరిగి, ఆయన ఆరోగ్యం సహకరిస్తే నవంబర్ 9 వరకు 17 రోజుల పాటు జైత్రయాత్ర సాగనున్నట్టు తెలుస్తోంది. నవంబర్ 8న సిర్పూర్, ఆసిఫాబాద్, బెల్లంపల్లి మూడు సభల్లో పాల్గొన్న తర్వాతి రోజు… అంటే నవంబర్ 9న తాను పోటీ చేయబోయే రెండు నియోజకవర్గాలైన గజ్వేల్, కామారెడ్డిలో నామినేషన్ దాఖలు చేయనున్నారు. నామినేషన్ వేసిన తర్వాతా.. కామారెడ్డిలో చివరి ప్రచార సభలో పాల్గొననున్నారు గులాబీ బాస్.
17 రోజుల కేసీఆర్ ఎన్నికల ప్రచార షెడ్యూల్ ఇదే..
తేదీ సభలు
అక్టోబర్ 15 హుస్నాబాద్
అక్టోబర్ 16 జనగాం, భువనగిరి
అక్టోబర్ 17 సిరిసిల్ల, సిద్దిపేట
అక్టోబర్ 18 జడ్చర్ల, మేడ్చల్
అక్టోబర్ 26 అచ్చంపేట, నాగర్కర్నూలు, మునుగోడు
అక్టోబర్ 27 పాలేరు, స్టేషన్ ఘన్పూర్
అక్టోబర్ 29 కోదాడ, తుంగతుర్తి, ఆలేరు
అక్టోబర్ 30 జుక్కల్, బాన్సువాడ, నారాయణ్ఖేడ్
అక్టోబర్ 31 హుజూర్నగర్, మిర్యాలగూడ, దేవరకొండ
నవంబర్ 01 సత్తుపల్లి, ఇల్లెందు
నవంబర్ 02 నిర్మల్, బాల్కొండ, ధర్మపురి
నవంబర్ 03 భైంసా, ఆర్మూర్, కోరుట్ల
నవంబర్ 05 కొత్తగూడెం, ఖమ్మం
నవంబర్ 06 గద్వాల్, మఖ్తల్, నారాయణపేట
నవంబర్ 07 చెన్నూరు, మంథని, పెద్దపల్లి
నవంబర్ 08 సిర్పూర్, ఆసిఫాబాద్, బెల్లంపల్లి
నవంబర్ 09 కామారెడ్డి
