ఇరాన్ కరెన్సీ ‘రియాల్’ విలువ అంతర్జాతీయ మార్కెట్లో మునుపెన్నడూ లేని విధంగా కనిష్ట స్థాయికి పడిపోయింది. 2026 ప్రారంభం నాటికి ఒక అమెరికన్ డాలర్ విలువ ఏకంగా 14 లక్షల రియాల్స్కు చేరుకుంది. ఇజ్రాయెల్తో యుద్ధం, అమెరికా విధించిన కఠినమైన ఆర్థిక ఆంక్షలు మరియు చమురు ఎగుమతులు నిలిచిపోవడం ఇరాన్ ఆర్థిక వ్యవస్థను కోలుకోలేని దెబ్బ తీశాయి. దేశంలో ద్రవ్యోల్బణం 42 శాతానికి పైగా పెరగడంతో సామాన్యుడి పరిస్థితి అగమ్యగోచరంగా మారింది.
భారత కరెన్సీతో పోల్చి చూస్తే ఇరాన్ రియాల్ విలువ విస్తుపోయేలా ఉంది. ప్రస్తుతం ఒక భారత రూపాయి విలువ సుమారు 16,500 నుండి 17,000 ఇరాన్ రియాల్స్కు సమానంగా ఉంది. అంటే మీరు ఒక వంద రూపాయలు ఇరాన్ తీసుకువెళితే, అక్కడ మీరు లక్షా డెబ్బై వేల రియాల్స్కు పైగా పొందుతారు. అయితే అక్కడ వస్తువుల ధరలు అంతకు మించి ఉండటంతో ఈ కరెన్సీకి విలువ లేకుండా పోయింది. ఉదాహరణకు ఒక ట్రే గుడ్ల ధర అక్కడ 35 లక్షల రియాల్స్ పలుకుతోంది.
