దేశీయ స్టాక్ మార్కెట్లో మళ్లీ ఐపీఓల వీక్ రానే వచ్చింది. ఈసారి 11కిపైగా ఐపీఓలు వస్తున్నాయి. వీటిలో 5 మెయిన్‌బోర్డ్ విభాగానికి చెందినవి. విశాల్ మెగా మార్ట్, మొబిక్విక్‌తో సహా పలు కొత్త IPOలు రాబోతున్నాయి. డిసెంబర్ 9 నుంచి ప్రారంభమయ్యే వారంలో ఈ కంపెనీలు జాబితా చేయబడతాయి. ఆ వివరాలేంటో ఇక్కడ తెలుసుకుందాం.
ధనలక్ష్మి క్రాప్ సైన్స్ ఐపీఓ: రూ. 23.80 కోట్ల ఈ ఇష్యూ డిసెంబర్ 9న ప్రారంభమై, డిసెంబర్ 11న ముగుస్తుంది. డిసెంబర్ 16న NSE SMEలో షేర్లు లిస్ట్ చేయబడతాయి. IPOలో బిడ్డింగ్ కోసం ప్రైస్ బ్యాండ్ ఒక్కో షేరుకు రూ. 52-55 కాగా, లాట్ పరిమాణం 2000 షేర్లు ప్రకటించారు.
టాస్ ది కాయిన్ IPO: ఈ ఇష్యూ డిసెంబర్ 10న తెరవబడుతుంది, డిసెంబర్ 12న ముగుస్తుంది. ఈ ఐపీఓ పరిమాణం రూ.9.17 కోట్లు. బిడ్డింగ్ కోసం ప్రైస్ బ్యాండ్ ఒక్కో షేరుకు రూ. 172-182గా నిర్ణయించారు. లాట్ పరిమాణం 600 షేర్లు. IPO ముగిసిన తర్వాత డిసెంబర్ 17న BSE SMEలో షేర్ల లిస్టింగ్ జరుగుతుంది.
జంగిల్ క్యాంప్స్ ఇండియా ఐపీఓ: ఇది కూడా డిసెంబర్ 10న మొదలవుతుంది, డిసెంబర్ 12న ముగుస్తుంది. డిసెంబర్ 17న బీఎస్ఈ ఎస్‌ఎంఈలో షేర్లు లిస్ట్ కానున్నాయి. ప్రైస్ బ్యాండ్ ఒక్కో షేరుకు రూ. 68-72. లాట్ సైజు 1600 షేర్లు. రూ. 29.42 కోట్లు సమీకరించాలని కంపెనీ భావిస్తోంది.
Mobikwik IPO: మెయిన్‌బోర్డ్ విభాగంలో రూ. 572 కోట్ల ఈ ఇష్యూ డిసెంబర్ 11న ప్రారంభమై, డిసెంబర్ 13న ముగుస్తుంది. ఈ షేర్లు డిసెంబర్ 18న BSE, NSEలో లిస్ట్ చేయబడతాయి. ఒక్కో షేరు ధర రూ. 265-279లో బిడ్డింగ్ కానుంది. దీని లాట్ పరిమాణం 53 షేర్లు.
సుప్రీం ఫెసిలిటీ మేనేజ్‌మెంట్ IPO: ఈ కంపెనీ తన పబ్లిక్ ఇష్యూ నుంచి రూ. 50 కోట్లను సమీకరించాలనుకుంటోంది. ఈ IPO డిసెంబర్ 11న ప్రారంభమై, డిసెంబర్ 13న ముగుస్తుంది. ఈ షేర్ల లిస్టింగ్ డిసెంబర్ 18న NSE SMEలో జరుగుతుంది. దీని ఒక్కో షేరు ధర రూ.72-76 ఉండగా, లాట్ పరిమాణం 1600 షేర్లు.
సాయి లైఫ్ సైన్సెస్ IPO: ఈ ఇష్యూ మెయిన్‌బోర్డ్ విభాగానికి చెందినది, దీని పరిమాణం రూ. 3,042.62 కోట్లు. ఈ IPO డిసెంబర్ 11న ప్రారంభమై, డిసెంబర్ 13న ముగుస్తుంది. ఈ షేర్లు డిసెంబర్ 18 నుంచి బీఎస్ఈ, ఎన్‌ఎస్‌ఈలో ట్రేడింగ్‌కు అందుబాటులో ఉంటాయి. IPOలో బిడ్డింగ్ కోసం ప్రైస్ బ్యాండ్ ఒక్కో షేరుకు రూ. 522-549 కాగా, లాట్ పరిమాణం 27 షేర్లు.
విశాల్ మెగా మార్ట్ IPO: ఇది కూడా మెయిన్‌బోర్డ్ విభాగం నుంచి వస్తుండగా, రూ. 8,000 కోట్ల మెగా ఇష్యూ కూడా డిసెంబర్ 11న ప్రారంభం కానుంది. ఇందులో ఒక్కో షేరుకు రూ.74-78, 190 షేర్ల లాట్‌లలో బిడ్డింగ్ చేయవచ్చు. డిసెంబర్ 13న IPO ముగిసిన తర్వాత, షేర్లు డిసెంబర్ 18న BSE, NSEలో లిస్ట్ చేయబడతాయి.
పర్పుల్ యునైటెడ్ సేల్స్ IPO: ఇది కూడా డిసెంబర్ 11న మొదలై, డిసెంబర్ 13న ముగుస్తుంది. ఈ షేర్ల లిస్టింగ్ డిసెంబర్ 18న NSE SMEలో జరుగుతుంది. బిడ్డింగ్ కోసం ప్రైస్ బ్యాండ్ ఒక్కో షేరుకు రూ. 121-126. లాట్ పరిమాణం 1000 షేర్లు. ఇష్యూ పరిమాణం రూ. 32.81 కోట్లు.
Inventurus నాలెడ్జ్ సొల్యూషన్స్ IPO: ఈ ఇష్యూ డిసెంబర్ 12న మొదలై, డిసెంబర్ 16న ముగుస్తుంది. దీనికి ప్రైస్ బ్యాండ్, లాట్ సైజ్ వివరాలు ఇంకా వెల్లడించలేదు. డిసెంబర్ 19న బీఎస్ఈ, ఎన్‌ఎస్‌ఈలో షేర్ల లిస్టింగ్ జరగనుంది.
యష్ హైవోల్టేజ్ IPO: ఈ ఇష్యూ కూడా డిసెంబర్ 12న ప్రారంభమై, డిసెంబర్ 16న ముగుస్తుంది. ప్రైస్ బ్యాండ్, లాట్ సైజ్ వివరాలు ఇంకా వెల్లడి కాలేదు. డిసెంబర్ 19న బీఎస్ఈ ఎస్‌ఎంఈలో షేర్లు లిస్ట్ కానున్నాయి.
ఇంటర్నేషనల్ జెమ్మోలాజికల్ ఇన్‌స్టిట్యూట్ IPO: ప్రైవేట్ ఈక్విటీ సంస్థ బ్లాక్‌స్టోన్ ద్వారా ఇన్వెస్ట్ చేసిన ఇంటర్నేషనల్ జెమ్మోలాజికల్ ఇన్‌స్టిట్యూట్ పబ్లిక్ ఇష్యూ డిసెంబర్ 13న ప్రారంభమవుతుంది. దీని నుంచి రూ.4,225 కోట్లు సమీకరించాలని కంపెనీ భావిస్తోంది. ప్రైస్ బ్యాండ్ డిసెంబర్ 9న ప్రకటించబడుతుంది. డిసెంబర్ 17న IPO ముగుస్తుంది. షేర్లు డిసెంబర్ 20న BSE, NSEలలో లిస్ట్ కావచ్చు.
