మహేష్(Mahesh Babu) తనయుడు గౌతమ్ ఘట్టమనేని అందరికి పరిచయమే. వన్ నేనొక్కడ్నే సినిమాలో గౌతమ్ చిన్ననాటి మహేష్ క్యారెక్టర్ చేసి అభిమానులకు దగ్గరయ్యాడు. గౌతమ్ పై చదువులకు విదేశాలకు వెళ్లిన సంగతి తెలిసిందే. కొన్ని రోజుల క్రితమే లండన్ లో ప్లస్ 2 చేసి ఇటీవలే న్యూయార్క్ యూనివర్సిటీలో(NYU) చదువుకోవడానికి అమెరికా వెళ్ళాడు.
నమ్రత శిరోద్కర్ దీని గురించి తన కొడుకుతో దిగిన ఫోటో ఒకటి పోస్ట్ చేసి ఇటీవలే ఈ విషయం తెలిపింది. తాజాగా మరో ఆసక్తికర విషయం తెలిపింది నమ్రత. గౌతమ్ చిన్నప్పటి ఫోటో తన సోషల్ మీడియాలో షేర్ చేసింది. ఇందులో గౌతమ్ ఒక పేపర్ పట్టుకొని ఉన్నాడు. ఆ పేపర్ లో.. నేను పెద్దయ్యాక ఇండియాలో & అమెరికాలో యాక్టర్ అవుతాను అని రాసుంది. ఈ ఫోటోని షేర్ చేసి నమ్రత.. పలక మీద రాయడం దగ్గర్నుంచి స్క్రిప్ట్స్ రాయడం వరకు నీ కలలు, సంకల్పంతో అనుకున్నది సాధిస్తావు. జీవితంలో వెలిగిపోవడానికి ఒక ఫుల్ సర్కిల్ ఇచ్చింది లైఫ్. నువ్వు నీ కోసం చేసుకున్న ఈ ప్రయాణంలో నీకు ఆనందం, విజయాలు మాత్రమే దక్కాలని కోరుకుంటున్నాను. లవ్ యు సో మచ్ అని పోస్ట్ చేసింది నమ్రత.
దీంతో నమ్రత పోస్ట్ వైరల్ గా మారింది. ఈ పోస్ట్ తో గౌతమ్ యాక్టింగ్ కోర్స్ నేర్చుకోవడానికి అమెరికాకు వెళ్లినట్టు తెలుస్తుంది. త్వరలోనే ఇండియాకు వచ్చి హీరోగా ఎంట్రీ ఇస్తాడని మహేష్ అభిమానులు సంతోషిస్తున్నారు. ఈ పోస్ట్ తో గౌతమ్ కూడా సినిమాలోకి వచ్చేస్తాడని కన్ఫర్మ్ అయ్యారు అభిమానులు. ఇక సితార కూడా సినిమాల్లోకి వస్తుందని గతంలోనే మహేష్ స్వయంగా చెప్పాడు. మరోవైపు పవన్ తనయుడు అకిరా కూడా అమెరికాకు శిక్షణ కోసం వెళ్ళాడు.
