మోచా తుపాన్‌ ముంచుకొస్తోంది. బంగాళాఖాతంలో తుపాను ఏర్పడేందుకు అత్యంత అనుకూల పరిస్థితులు ఉన్నాయని భారత వాతావంణ శాఖ (ఐఎండీ) వెల్లడిరచింది. ఆగ్నేయ బంగాళాఖాతంలో మే 6న అల్పపీడన ప్రాంతం ఏర్పడుతుందని, ఇది క్రమేపీ బలపడి వాయుగుండం, తీవ్ర వాయుగుండంగా మారి, ఆపై తుపానుగా రూపాంతరం చెందుతుందని వివరించింది.
తుపానుగా మారితే దీనిని ‘మోచా’ అని పిలుస్తారని ఐఎండీ తెలిపింది. ఈ పేరును యెమెన్‌ దేశం సూచించినట్టు వెల్లడిరచింది. యెమెన్‌ లోని ఓ ఓడరేవు నగరం పేరు మీదుగా ‘మోచా’ అని నామకరణం చేసినట్టు వివరించింది. భారత్‌ లోని తూర్పు తీర రాష్ట్రాలకు దీని వల్ల ముప్పు ఉందని చెబుతున్నప్పటికీ, ప్రస్తుతానికి ఈ తుపానుపై ఐఎండీ వద్ద కూడా స్పష్టమైన సమాచారం లేదు. అల్పపీడనం ఏర్పడ్డాక దీని గమనంపై ఓ అంచనాకు రానున్నారు. కాగా, మోచా తుపాను ఈశాన్య దిశగా పయనించి మయన్మార్‌ తీరాన్ని తాకే అవకాశాలున్నాయని సూచిస్తున్నాయి.
