ఆంధ్రప్రదేశ్‌లోని గణపవరం గ్రామంలో మానవత్వ రహితమైన ఘటన వెలుగు చూసింది. మద్యానికి బానిసైన ఒక వ్యక్తి, తన 15 ఏళ్ల మైనర్ కూతుర్ని తన తాగుబోతు స్నేహితుడైన జ‌మ‌లారెడ్డికి ఇచ్చి బాల్య వివాహం చేయాలని ప్లాన్ చేశాడు. కూతురి తల్లితో విడాకులు తీసుకుని, పొలం అమ్మి వచ్చిన డబ్బుతో తాగుడు, జల్సాలు చేస్తూ జీవనం గడిపే నాగరాజు అనే వ్యక్తి ఈ దుశ్చర్యకు పాల్పడ్డాడు.
అయితే, ఈ బాల్య వివాహం ఆ మైనర్ బాలికకు నచ్చకపోవడంతో ఆమె కాపురానికి వెళ్లలేదు. దీంతో నవంబర్ 12న, డబ్బు కోసం మళ్లీ ఆ తండ్రి నాగరాజు, బాలికను బలవంతంగా తీసుకువచ్చి జమలారెడ్డి వద్ద వదిలివెళ్లాడు. ఆ తర్వాత జమలారెడ్డి ఆ మైనర్ బాలికపై అసభ్యంగా ప్రవర్తించాడు. బాలిక ప్రతిఘటించి, చుట్టుపక్కల వారి సహాయం కోరగా, వారు వెంటనే పోలీసులకు సమాచారం అందించారు.
పోలీసులు రంగంలోకి దిగి, మైనర్ బాలికను విక్రయించిన తండ్రి నాగరాజును మరియు ఆమెపై అసభ్యంగా ప్రవర్తించిన జ‌మ‌లారెడ్డిని అరెస్ట్ చేశారు. వారిద్దరిపై పోక్సో (POCSO) కేసు నమోదు చేసి, రిమాండ్‌కు తరలించారు.
