మెగాస్టార్ చిరంజీవి మోస్ట్ ఎవైటెడ్ ఫ్యామిలీ ఎంటర్‌టైనర్ ‘మన శంకర వర ప్రసాద్’ చిత్రంలోని ఫస్ట్ సింగిల్ ‘మీసాల పిల్ల…’ మ్యూజిక్ ప్రపంచాన్ని షేక్ చేస్తోంది. చిరంజీవి మాస్ అండ్ క్లాస్ కాంబినేషన్‌ను ప్రజెంట్ చేసిన ఈ పాట రిలీజ్‌ అయిన రెండురోజుల్లోనే 17 మిలియన్లకు పైగా వ్యూస్‌ను సాధించి రికార్డులు సృష్టించింది. ఈ పాట దేశవ్యాప్తంగా టాప్ ట్రెండ్‌గా కొనసాగుతుండడం మెగాస్టార్ చిరంజీవి పాన్-ఇండియా క్రేజ్‌కు నిదర్శనంగా నిలుస్తోంది.
అనిల్ రావిపూడి దర్శకత్వంలో రూపొందుతున్న ఈ మ్యూజికల్ ఫీస్ట్‌లో చిరంజీవి తన యంగ్ ఎనర్జీ మరియు మ్యాజికల్ డ్యాన్స్ మూవ్స్‌తో అదరగొట్టారు. నయనతారతో ఆయన కెమిస్ట్రీ స్క్రీన్‌పై చూడముచ్చటగా ఉంది. భీమ్ సీసిరోలియో స్వరపరిచిన ఈ పాటలో ఎలక్ట్రానిక్ బీట్స్‌, సింథ్ సౌండ్స్‌, ట్రెడిషనల్ పెర్కషన్ మేళవింపు అద్భుతంగా కుదిరింది. భాస్కరభట్ల అందించిన సాహిత్యం చిలిపితనం, సరదా, ఫన్ అంశాలతో ఆకట్టుకుంది.
గాయకులు ఉదిత్ నారాయణ్ వాయిస్‌లోని నాస్టాల్జిక్ టచ్‌, శ్వేతా మోహన్ వాయిస్‌లోని ఎలిగెన్స్ ఈ పాటకు ప్రత్యేక ఆకర్షణగా నిలిచాయి. శైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్ సంయుక్తంగా నిర్మిస్తున్న ఈ చిత్రానికి సమీర్ రెడ్డి సినిమాటోగ్రఫీ, తమ్మిరాజు ఎడిటింగ్, ఏఎస్ ప్రకాష్ ఆర్ట్ డైరెక్టర్‌గా వ్యవహరిస్తున్నారు.
