జూబ్లీ హిల్స్‌లో ఉప ఎన్నికల ప్రచారం సందర్భంగా కేటీఆర్, పార్టీ కార్యకర్తలతో కలిసి మాగంటి సునీత గారికి సానుభూతి నాటకం ఆడుతున్నారని, ఆమె భర్త మాగంటి గోపీనాథ్ గారి మరణాన్ని రాజకీయ ప్రయోజనాల కోసం వాడుకోవాలని ప్రయత్నిస్తున్నారని ఆరోపణలు వెల్లువెత్తాయి. గోపీనాథ్ గారు వందల కోట్లు సంపాదించిన వ్యక్తి అని, కేటీఆర్ గారి బెనామీగా వ్యవహరించారని జూబ్లీ హిల్స్‌లో అందరికీ తెలుసని, ఆయన ఎన్నో తప్పులు చేశారని, సినిమావాళ్లను బెదిరించారని, బ్లాక్‌మెయిల్ చేశారని, డ్రగ్స్ రాజకీయాలకు సింబల్‌గా మారారని విమర్శించారు.
కేటీఆర్ బలవంతంగా సునీత గారిని ప్రచారం చేయిస్తున్నారని, ఆమె తనను రాజకీయాల నుంచి దూరంగా ఉంచమని కోరినా పట్టించుకోవడం లేదని ఆరోపణలు చేశారు. మాగంటి కుటుంబానికి నిజంగా సహాయం చేయాలనుకుంటే రాజ్యసభ సీటు లేదా కనీసం ఎంఎల్సీ స్థానం ఇవ్వాలని, కానీ ప్రజల సానుభూతి పేరుతో నాటకాలు ఆడవద్దని ఈ సందర్భంగా విమర్శకులు పేర్కొన్నారు. ప్రజలు ఇవన్నీ అర్థం చేసుకున్నారని, కేటీఆర్, ఆయన పార్టీని జూబ్లీ హిల్స్ ప్రజలు బాగా తెలుసుకున్నారని, ఇక మోసపోవడం లేదని వ్యాఖ్యానించారు.
ఈసారి జూబ్లీ హిల్స్ నుంచి నవీన్ యాదవ్ గారు ఎమ్మెల్యేగా గెలుస్తారని, ముఖ్యమంత్రి రేవంత్ రెడ్డి గారి విజన్‌తో హైదరాబాద్‌కీ, జూబ్లీ హిల్స్‌కీ అభివృద్ధి నిశ్చితమని ఆశాభావం వ్యక్తం చేశారు. జై హింద్! జై తెలంగాణ! అంటూ ఈ ప్రకటన ముగిసింది.
