హైదరాబాద్‌లో నిర్వహించిన ప్రజా విజయోత్సవాల్లో మంత్రి శ్రీధర్ బాబు టి ఫైబర్ స్కీమ్‌ను ప్రారంభించారు. ఈ పథకం ద్వారా తెలంగాణ రాష్ట్రంలోని ప్రతి ఇంటికి ఇంటర్నెట్ కనెక్షన్ తక్కువ ధరకే ఇవ్వనున్నారు. ఇంట్లో ఉండే మొబైల్, కంప్యూటర్, టీవీలకు టి ఫైబర్ ద్వారా ఇంటర్నెట్ అందించనున్నారు.
ఐటీ శాఖ మంత్రి శ్రీధర్ బాబు టి ఫైబర్ సర్వీస్‌ను రానున్న రోజుల్లో మరింత సులభతరంగా తీర్చిదిద్దుతామన్నారు. ఈ సందర్భంగా సంగారెడ్డి జిల్లా శ్రీరాంపూర్ గ్రామస్తులతో మంత్రి శ్రీధర్ బాబు వర్చువల్‌గా మాట్లాడారు. అదేవిధంగా మీసేవ మొబైల్ యాప్ లో 9 రకాల కొత్త సర్వీసులను ప్రారంభించారు మంత్రి శ్రీధర్ బాబు. మంత్రి సమక్షంలో పలు సంస్థలతో ఒప్పందాలు కుదుర్చుకున్నారు. రూ.1500 కోట్లతో లైన్స్ కార్ట్ మ్యానిఫ్యాక్టరింగ్ యూనిట్ ఏర్పాటుకు అగ్రిమెంట్ చేశారు.
