సుమారు 2 నెలల పాటు లోక్ సభ ఎన్నికల ప్రచారంలో తలమునకలైన కరీంనగర్ బీజేపీ ఎంపీ అభ్యర్థి బండి సంజయ్.. పోలింగ్ ముగియటంతో ఫ్యామిలీతో టైం స్పెండ్ చేస్తున్నారు. ఈ క్రమంలోనే తన మేనల్లుడితో చిల్ అవుతున్నారు. మారథాన్ లాంటి ప్రచారం తర్వాత ఫ్యామిలీ టైం అంటూ బండి సంజయ్ ట్వీట్ చేశారు. మేనల్లుడిని పట్టణంలో స్కూటీపై సరదాగా చక్కర్లు కొట్టారు. ఆ తర్వాత ఐస్ క్రీం పార్లర్‌లో మేనల్లుడితో కలిసి ఐస్‌క్రీం తింటున్న ఫోటోలు ట్విట్టర్ వేదికగా పంచుకున్నారు.
