పాఠశాలలకు సంక్రాంతి సెలవులు ప్రకటించిన తెలంగాణ ప్రభుత్వం..

విద్యార్థులకు తెలంగాణ ప్రభుత్వం ఎగిరి గంతేసే వార్త చెప్పింది. వరుసగా 6 రోజులు సెలవులు ప్రకటించింది. సంక్రాంతి పండుగ సందర్భంగా తెలంగాణ విద్యాశాఖ ఈ సెలవులు డిక్లేర్ చేసింది. జనవరి 12 నుంచి 17 వరకు వరసుగా పాఠశాలలకు సెలవులు ఉంటాయి. ఈ సెలవుల్లో రెండో శనివారం సెలవు కూడా కలిసిపోయింది. జనవరి 13న 2వ శనివారం కాగా.. 14న భోగి, జనవరి 15న సంక్రాంతి, జనవరి 16న కనుమ పండుగలతో పాటు అదనంగా జనవరి 17న సెలవు ఉంది.

అయితే మిషనరీ స్కూళ్లకు మినహా అన్ని స్కూళ్లకు ఈ సంక్రాంతి సెలవులు వర్తిస్తాయని పేర్కొంది. కళాశాలలకు ఎప్పుడు సెలవులు ఉంటాయన్న విషయం తెలియాల్సి ఉంది. ప్రభుత్వం ప్రకటించిన ఈ సెలవులతో పాటు జనవరి 7, 14, 21, 28 ఆదివారం సందర్భంగా సెలవులు ఉన్నాయి. 26న రిపబ్లిక్ డే సందర్భంగా సెలవు ఉంటుంది. మెుత్తానికి ఈనెల మెుత్తం దాదాపు సగం రోజులు స్కూళ్లకు సెలవులు ఉండనున్నాయి.