దక్షిణాఫ్రికా పర్యటనలో టీమిండియా యువ ఆటగాళ్లు అదరగొట్టారు. నిర్ణాయక మూడో వన్డేలో సమష్టిగా రాణించి సఫారీలపై .. పరుగుల తేడాతో గెలుపొందారు. వన్డే సిరీస్‌ను కైవసం చేసుకున్నారు. టీ20 సిరీస్‌లోనూ అద్భుతంగా రాణించి, సిరీస్‌ను సమం చేసిన సంగతి తెలిసిందే. భారత్ విధించిన 297 పరుగుల లక్ష్యాన్ని చేధించే క్రమంలో దక్షిణాఫ్రికా.. 45.5 ఓవర్లలో 218 పరుగులకు ఆలౌట్ అయ్యింది. కఠినమైన పిచ్‌పై లక్ష్యాన్ని చేధించే క్రమంలో క్రమం తప్పకుండా వికెట్లు కోల్పోయింది. అర్ష్‌దీప్ సింగ్ 4 వికెట్లు తీసి భారత్ విజయంలో కీలక పాత్ర పోషించగా.. అంతర్జాతీయ మ్యాచ్‌లో తొలి శతకం నమోదు చేసిన సంజూ శాంసన్ ‘ప్లేయర్ ఆఫ్ ది మ్యాచ్’గా నిలిచాడు.
PCOD మరియు PCOS సమస్యలు ఎప్పుడు వస్తాయి, వాటి లక్షణాలు ఏంటి?
రెండో వన్డేలో సెంచరీ చేసి భారత్‌కు విజయం దూరం చేసిన జోర్జి మరోసారి భయపెట్టాడు. ప్రమాదకరంగా మారిన జోర్జిని (81 పరుగులు, 87 బంతుల్లో, 6 ఫోర్లు, 3 సిక్స్‌లు) అర్షదీప్ సింగ్ వికెట్ల ముందు దొరకబుచ్చుకున్నాడు. దక్షిణాఫ్రికా ఇన్నింగ్స్‌లో జోర్జిదే అత్యధిక స్కోరు. కెప్టెన్ మార్‌క్రమ్ చేసిన 36 పరుగులు ఆ జట్టు తరఫున రెండో అత్యధిక స్కోరు.
క్లాసెన్ 21 పరుగులు, రీజా హెండ్రిక్స్ 19 పరుగులు, బురాన్ హెండ్రిక్ 18 పరుగులు, డేవిడ్ మిల్లర్ 10 పరుగులు చేశారు. భారత బౌలర్లు కట్టుదిట్టమైన బంతులు విసిరి సఫారీ బ్యాటర్లను ఇబ్బంది పెట్టారు. అర్షదీప్ సింగ్ 4 వికెట్లు తీసి భారత విజయంలో కీలక పాత్ర పోషించాడు. ఆవేష్ ఖాన్ 2, వాషింగ్టన్ సుందర్ 2 వికెట్ల చొప్పున తీయగా.. ముఖేష్ కుమార్, అక్షర్ పటేల్ తలో వికెట్ పడగొట్టారు.
అంతకుముందు తొలుత బ్యాటింగ్ చేసిన భారత్ నిర్ణీత 50 ఓవర్లలో 8 వికెట్ల నష్టానికి 296 పరుగులు చేసింది. టాస్ గెలిచిన దక్షిణాఫ్రికా కెప్టెన్ మార్‌క్రమ్.. భారత్‌ను బ్యాటింగ్‌కు ఆహ్వానించాడు. 49 పరుగులకే 2 వికెట్లు కోల్పోయి కష్టాల్లో పడిన భారత్‌ను సంజూ శాంసన్ (108), తిలక్ వర్మ (52) ఆదుకున్నారు. చివర్లో రింకూ సింగ్ (27 బంతుల్లో 38) కాసేపు మెరుపులు మెరిపించాడు. దీంతో కఠినమైన పిచ్‌పై భారత్ గౌరవ ప్రదమైన స్కోరు సాధించింది. 30 ఓవర్లలో 3 వికెట్ల నష్టానికి 132 పరుగులు మాత్రమే చేసిన భారత్.. చివర్లో గేర్ మార్చడంతో.. చివరి 14 ఓవర్లలో ఏకంగా 141 పరుగులు వచ్చాయి.
