టాలీవుడ్ ముద్దుగుమ్మ డింపుల్ హయాతి మరోసారి వార్తల్లో నిలిచింది. ఖిలాడి సినిమాతో హీరోయిన్‌గా ఎంట్రీ ఇచ్చిన ఈ అమ్మడు.. సినిమాలతో కాకుండా మిగతా విషయాలతో ఎక్కువగా వార్తల్లో నిలుస్తోంది. ఆ మధ్య రామబాణం సినిమాలో నటించినా.. అది పెద్దగా సక్సెస్ కాలేదు కానీ.. ట్రాఫిక్ డీసీపీ రాహుల్‌ హెగ్డేతో జరిగిన వివాదం మాత్రం ఫుల్ ఫేమస్ అయ్యారు. ఈ ఘటనపై క్రిమినల్ కేసు కూడా నమోదైందండోయ్. అయితే.. ఆ వివాదం తర్వాత హైదరాబాద్ ట్రాఫిక్ విషయంలో అటు పోలీసులపై, ఇటు సర్కారుపై కొన్ని సెటైరికలు పోస్టులు కూడా పెట్టింది.
కాగా.. ఇప్పుడు మరోసారి డింపుల్ హయాతి ఇన్‌స్టాగ్రాంలో ఓ ఆసక్తికర పోస్ట్ షేర్ చేసింది. కుక్కలను దారుణంగా కట్టేసి తరలిస్తున్న వీడియోను తన ఇన్‌స్టా స్టోరీలో షేర్ చేసింది ఈ బ్యూటీ. అయితే.. కేవలం షేర్ చేస్తే ఎలాంటి ఇబ్బంది లేదు.. కానీ దానికి “తెలంగాణలో ఇంత ఘోరంగా జరుగుతుందా.. ఎవరైనా ఆపండి” అంటూ క్యాప్షన్ ఇచ్చింది. దీంతో డింపుల్ పోస్ట్.. కాస్త వైరల్ అవుతోంది.
