ఛత్తీస్‌ఘడ్‌ రాష్ట్రం, బిలాస్‌పూర్ జిల్లాలో ఘోర రైలు ప్రమాదం సంభవించింది. జైరామ్ నగర్ స్టేషన్ వద్ద ఒక ప్యాసింజర్ రైలు మరియు ఒక గూడ్స్ రైలు ఎదురెదురుగా ఢీకొన్నాయి. ఈ దుర్ఘటనలో మొత్తం ఆరుగురు చనిపోయారు. విషయం తెలిసిన వెంటనే అధికారులు మరియు సహాయక బృందాలు రంగంలోకి దిగి సహాయక చర్యలు చేపట్టారు. గాయపడిన వారిని వెంటనే ఆసుపత్రికి తరలించి చికిత్స అందిస్తున్నారు.
కోర్బా నుంచి బిలాస్‌పూర్ వెళ్తున్న ప్యాసింజర్ రైలు యొక్క మొదటి కోచ్, గూడ్స్ రైలుపైకి ఎక్కినట్లు అధికారులు తెలిపారు. ఈ ఢీకొన్న కారణంగానే ప్రమాద తీవ్రత పెరిగి, ఆరుగురు దుర్మరణం చెందారు. అధికారులు ప్రస్తుతం ప్రమాదానికి గల కారణాలపై విచారణ ప్రారంభించారు.
ఈ ఘోర ప్రమాదం బిలాస్‌పూర్ ప్రాంతంలో విషాదఛాయలు నింపింది. ఈ తరహా ప్రమాదాలు పునరావృతం కాకుండా తగిన చర్యలు తీసుకోవాలని స్థానిక ప్రజలు కోరుతున్నారు.
