హైద‌రాబాద్ న‌గ‌ర వ్యాప్తంగా నిన్న బోనాల పండుగ ఘ‌నంగా జ‌రిగింది. తార్నాక‌లో మాత్రం ఉద్రిక్త‌త‌ల‌కు దారి తీసింది. బోనాల ఊరేగింపులో భాగంగా స్నేహితుల మధ్య ఘ‌ర్ష‌ణ చోటు చేసుకుంది. దీంతో రెండు వ‌ర్గాలుగా చీలిపోయిన స్నేహితులు.. క‌త్తుల‌తో దాడులు చేసుకున్నారు. ఓ ముగ్గురికి తీవ్ర గాయాలు కాగా, వారిని చికిత్స నిమిత్తం గాంధీ ఆస్ప‌త్రికి త‌ర‌లించారు. ముగ్గురిలో ఒక‌రి ప‌రిస్థితి విష‌మంగా ఉన్న‌ట్లు వైద్యులు తెలిపారు. ఈ ఘ‌ట‌న‌పై కేసు న‌మోదు చేసుకున్న ఉస్మానియా యూనివ‌ర్సిటీ పోలీసులు ద‌ర్యాప్తు చేప‌ట్టారు. ఘ‌ర్ష‌ణ చోటు చేసుకున్న ఎలాంటి ఉద్రిక్త ప‌రిస్థితులు త‌లెత్త‌కుండా పోలీసులు బందోబ‌స్తు ఏర్పాటు చేశారు.
