జాతీయ స్థాయి గుర్తింపు
హర్షం వ్యక్తం చేసిన మంత్రి హరీశ్‌ రావు
కామారెడ్డి జిల్లా బాన్సువాడ మాతా శిశు సంరక్షణ కేంద్రానికి అరుదైన గౌరవం దక్కింది. జాతీయ స్థాయిలో గుర్తింపు లభించింది. తల్లి పాలను ప్రోత్సహిస్తున్న బ్రెస్ట్‌ ఫీడిరగ్‌ ఫ్రెండ్లీ హాస్పిటల్‌ ఇనిషియేటివ్‌ అందించే బ్రెస్ట్‌ ఫీడిరగ్‌ ఫ్రెండ్లీ అక్రిడిటేషన్‌ (గ్రేడ్‌-1) ను బాన్సువాడ ఎంసీహెచ్‌ సొంతం చేసుకుంది. ఇండియాలో ఈ ఘనత సాధించిన మొదటి ప్రభుత్వ ఆస్పత్రిగా బాన్సువాడ ఎంసీహెచ్‌ గుర్తింపు పొందింది. ఈ మేరకు తెలంగాణ వైద్య, ఆరోగ్య శాఖ ఒక ప్రకటన విడుదల చేసింది.
శిశువుల ఆరోగ్యం కోసం ప్రపంచ ఆరోగ్య సంస్థ నిర్దేశించిన, కేంద్రం అమలు చేస్తున్న మదర్స్‌ అబ్జల్యూట్‌ అఫెక్షన్‌ కార్యక్రమం నిర్దేశించిన ప్రమాణాలకు అనుగుణంగా బాన్సువాడ ఎంసీహెచ్‌ ఉంటూ అక్రిడిటేషన్‌ పొందింది. బ్రెస్ట్‌ ఫీడిరగ్‌ను ప్రోత్సహిస్తున్న ఆస్పత్రులను యూనిసెఫ్‌, అసోసియేషన్‌ ఆఫ్ హెల్త్‌ ప్రొవైడర్స్‌ ఇండియా , బ్రెస్ట్‌ ఫీడిరగ్‌ ప్రమోషన్‌ నెట్‌వర్క్‌ ఆఫ్ ఇండియా ఎంపిక చేసి అక్రిడిటేషన్‌ ఇస్తున్నాయి.
ఈ ప్రత్యేక గుర్తింపు మూడేళ్ల పాటు అమలులో ఉంటుందని వైద్య, ఆరోగ్య శాఖ అధికారులు వెల్లడిరచారు. దేశంలో మొత్తం నాలుగు ఆస్పత్రులకు బీఎఫ్‌హెచ్‌ఐ అక్రిడిటేషన్‌ పొందాయి. వీటిలో బాన్సువాడ మాత్రమే ప్రభుత్వ ఆస్పత్రి అని వైద్యాశాఖ అధికారులు వివరించారు. ఎంసీహెచ్‌కు జాతీయస్థాయి గుర్తింపు రావడం పట్ల వైద్య, ఆరోగ్య శాఖ మంత్రి టి.హరీశ్‌రావు హర్షం వ్యక్తం చేశారు. ఆస్పత్రి వైద్య సిబ్బందికి మంత్రి అభినందనలు తెలిపారు.
