రాయ్‌ పూర్‌: చత్తీస్‌ గఢ్ రాష్టం సుక్మా జిల్లా జాగర్గుండ అటవీ ప్రాంతంలో ఆశ్రంపరలో ఎన్‌కౌంటర్‌ జరిగింది. ఈ ఘటనలో ముగ్గురు డీఆర్‌జీ జవాన్లు మృతి చెందారు. ఆయుధాలను కూడా నక్సలైట్లు ఎత్తుకెళ్లారు. కొందరు జవాన్లు కూడా గాయపడ్డారు. గాయపడిన జవాన్లను హెలికాప్టర్‌ ద్వారా తీసుకెళ్లేందుకు సన్నాహాలు చేస్తున్నారు. రాయ్‌పూర్‌ కు 400 కిలో మీటర్ల దూరంలో ఈ ఘటన జరిగింది. ఎఎస్‌ఐ రామురామ్‌ నాగ్‌, కానిస్టేబుల్‌ కుంజమ్‌ జోగా, వంజమ్‌ బీమా మృతి చెందారని పోలీస్‌ ఉన్నతాధికారులు పేర్కొన్నారు.
